Shairi: Nakumbuka

Shairi: Nakumbuka

By Kilimboka R. Presenter Kalamu Ya Urithi - Januari 14, 2024

Kalamu Ya Urithi

Nakumbuka

Kila Nikikumbuka yale matendo

Ukweli na wako upendo

Mapigo ya moyo yanaongeza mwendo

Nakumbuka zile skendo

Nilipokupiga kwa nyundo

Kisha nikakusukuma kando.

Lakini bado haukunichoka…

Nakumbuka…

Hata kipindi nilipokuforce kuachika

Bado hukuwa tayari kuondoka

Nilipo kuacha zaidi ya mwaka

bado nyumbani hukutoka

nakumbuka

nilipo rudi nilikukuta

tena umejipata

ukawa unanibembeleza

ukinituliza

huku ukiniliwaza.

Ukiamini nimebadilika

Nakumbuka

Hata mwili wangu haukuwahi kuushika

Hata uliponitaka

Nilidai nimechoka

Usiku ulipofika

Nilitoroka

Ila bado hukunichoka..

Nakumbuka

Ulilia kwa huruma

Huku Ukionesha moyo unavyouma

Maneno ya huzuni ukiyasema

Moyo mkuki nauchoma.

Nakumbuka

Kwa sauti ya kukwama

Pumzi nzito ukihema…

Ukidai nikuonee huruma

Daah

Sikukwelewa…

Maana tayari nilikuwa nimelewa

Nakumbuka

Bila huruma makofi na mateke nilikupiga

Huku nikitoa sauti kali yakukuswaga…

Usiku huo sikumbuki wapi ulilalaga

Nakumbuka

Unyama nilio kufanyia

ile siku ulipo nifumania

tena kwenye kitanda tunacho lalia..

nakumbuka sana uliumia

sana ulilia..

lakini bado hukuwahi kunichukia

nakumbuka

kosa nifanye mimi

ajabu msamaha uliomba wewe

furaha kwakwo ilikuwa simulizi na visawe

niliyekufanya mwewe mpigwa mawe

mwanamke mvumilivu

tena mkakamavu asiye na wivu

niliyekupaka majivu

na kukufunga nyavu…

nakumbuka

si kwa mateso niliyokupa

viboko nilivyokuchapa

nikakuita kahaba

eti mwizi wa kuiba

shingo nilikukaba

pua nikakuziba..

kiasi cha kuleta msiba.

daaah

lakini bado hukuchoka kunipenda…

tazama leo

sina maendeleo

sina tegemeo

sina upendeleo

wala sina mwelekeo

naishia kuulizwa yuko wapi mkeo

nakumbuka

ni kama nakuona vile ukiwa jikoni

na sahani mkononi

mwanamke mcheshi

tena hodari wa mapishi

ulijua kupambana ili tuishi

hukuwa wa dharau wala kashikashi

nakumbuka ule wema wako

japo

kuwa sikuijuwa thamani yako

tazama leo nalipa chozi lako

na leo nashuhudia kifo chako

kwanini uliniruhusu niuumize nafsi yako

kwanini sikubakia upande wako

nakumbuka

ulinipenda sana….

Uliumia tulipogombana…

Ulifurahi tulipokumbatiana

Ulipenda kuona tukishirikiana.

Sasa kwanini hayo yote sikuyaona..

Leo peke yangu nang’ang’ana

Hakuna anayeniona

Hata majirani tumekosana

Sina tena wa kuniamini

Wala wa kunithamini

Kumbe sikupendwa walinitamani

Laiti ningelijuwa ya mbeleni

Nisingeruhusu haya yajitokeze abadani

Kwa maana yananinyima amani

Yananiumiza rohoni.

Ona sasa ndo hivyo unakwenda

Mwanamke pekee uliyenipenda

Uliyepigana kunilinda

Penzi kubaya lisije enda

Kumbe ubaya mwenyewe niliupanda

takukumbuka

Hivi ndo kweli unaundoka

Au naota….

Hivi kweli unanitoka

Inamaa tena sitakupata

Natamani niweze hata kukushika

Natamani tena uweze niita

Kwaheshima niweze kuitika….

sasa kwanini sikujuwa haya.

Maoni

Zungumza na Afrika

Zungumza vunja ukimya Maumivu mengine katika mahusiano tuliyonayo huwa ni matokeo ya dhambi tulizowafanyia watu wengine katika mahusiano yaliyopita..... Tunajisahaulisha uovu tulioufanya kabla kwa wengine..... Tunakuwa mafundi wa kulalamika hovyo pindi tukiachwa..... Tumesahau kuwa malipo ni hapa hapa Duniani. Naomba kusema nanyi hii leo.....! Ukimuona mwenza wako haguswi tena na matatizo yako kama ilivyokuwa awali , basi ujuwe amechoshwa na baadhi ya tabia zako. kila kitu kwake ni kibaya hata umfanyie nini bado atakuwa ni mtu wa kununa tu. Na mara nyingi watu kama hawa huwa hawaishiwi visa na sababu za hapa na pale. Ni watu wanaopenda kulalamika na kukumbatia mambo ya hovyo, hasa makosa madogo madogo ufanyayo ambayo huwenda ni mambo ya kawaida kutokea kwenye mahusiano yoyote yale. Watu hawa hupenda kuyaishi madhaifu wa wenza wao..... Hakuna njia ya kuwabadilisha hawa watu zaidi ya kufanya kile wanachokitaka. Njia rafiki ni kuafiki maamuzi yake. Kama atataka muachane basi wewe mkubalie tu. Muache aende zake zaidi wewe piga moyo konde fikiria yajayo. Watu kama hawa hawang'ang'aniwi kamwe kwani ni watu hatari sana. Watu hawa wanaweza kukufanyia jambo baya la makusudi ili tu kukuumiza ili tu kukukomoa. Watu hawa hawana aibu. Siku zote huwa tunaomba msamaha ili tusamehewe juu ya makosa tufanyayo... Tunaishi katika ulimwengu wa watu wanaopenda kusifiwa na kupendwa kuliko kusifia wala kupenda.. Tunaishi ulimwengu wa watu wanaopenda watendewe wema kuliko wao kutendea wema wengine. Tunaishi na watu wasiri wa mambo yao ila ya wengine wanalazimisha wayafahamu. Tunaishi ulimwengu wa watu wanaokesha wakiomba uachwe , uharibikiwe, ufukuzwe kazi ili wao wanufaike na kufurahia kuharibikiwa au kuanguka kwako. Dunia ya leo hii si ile ya mababu . Duniani ya leo ni dunia ya kuchunguzana na kuchunguliana kwanza kabla ya kuingia kwenye ndoa. Dunia ya leo kila mtu ni mjuaji.. Hakuna mjinga tena .. Degree na mapenzi wapi na wapi . Leo hatua Elimu ya Jando wala Unyago, zaidi tumeipa jukumu mitandao ya kijamii itufunde na kutuandaa kuwa wame na wake za watu. Eti tunaita Utandawazi. Wengi wetu tunajikuta ni wakishuwa kumbe walala hoi.... Tunatamba na filters za mitandaoni. Tunatamba na Picha za Studio tukitafuta mionekano fake harafu tukitapeliwa penzi tunaanza kulia hovyo... Tumesahau kuwa uongo wetu ndiyo umetufanya tupendwe na kuachwa, tunasahau kuwa uzuri au ubaya wa mtu kamwe haufichiki... Tumesahau kuwa Kuumbwa na sura mbaya au muonekano mbaya huo sio ulemavu bali ni ukamilifu wa Asili huru. Mwingine akinyimwa makalio basi wewe utapewa, Mwingine akinyimwa urefu juwa wewe ukapewa ufupi. Mwingine akipewa unene basi tambua wewe umepewa wembamba. Mwingine akinyimwa hekima basi wewe ujinga utakuhusu. Na kuna wengine wamepewa karibu vyote. Na kuna wengine pia wamenyimwa karibu vyote. Kuwa nacho au kutokuwa nacho ni matokeo ya kimazingira yaani ni matokeo ya asili huru. Kwa mantiki hii tuna kila sababu ya kukubaliana na mionekano yetu kwani tukilazimisha kuwa na mionekano tofauti basi tukubali kuumbuliwa, tukubali kuchezewa…. kutumiwa hovyo …mwisho wa siku tuishie kuachwa kwani hakuna anayependa kudanganywa... Ndoa haitafutwi kwa kujipodoa au kujitongozesha hovyo.... Ndoa ni wito ... Ndoa sio Happybirthday eti kila aitakaye asherekee. Hapana ....kwa mtindo huu wajinga na wapenda miteremko mtasubiri sana. Utajisikiaje pale ambapo umempenda mtu kwa sababu ya weupe wake afu baadae unakuja kugundua mtu huyo anajichubua ili tu awe mweupe akuvutie....? Au pale unampenda mtu kwa muonekano wake kumbe mwonekano wenyewe ni muonekano fake.... Si muonekano halisi , unadhani utachukuwa maamuzi gani zaidi ya kumbwaga chini. Tunaishi katika Ulimwengu ambao watu wanaishi na Wenza wao kutokana na misukumo ya kimaisha hasa shida na kupenda miteremko lakini si utayari wa wao kuwa katika mahusiano hayo. Wengi wetu tunaoa au kuolewa na watu ambao hatukuwahi kuwapenda kabla . Wengi wao ni matoleo mapya. Wengi wao ni wale ambao huja baada ya kuwa wamekwisha umizwa , kuachwa, kuacha, au kuachana. Mahusiano ya walio wengi yanashindwa kuwa imara kutokana kwamba tunaishi na watu wenye majeraha makubwa katika mioyo yao kiasi ambacho hujikuta wakijenga na kuishi na visasi katika nyoyo zao na hasa kupoteza imani na wenza wao wapya zaidi hofu na mashaka hutawala nyoyo zao. Ahsante.