Ushairi: Kwaheri Mama

Ushairi: Kwaheri Mama

By Kilimboka R. Presenter Kalamu Ya Urithi - Januari 14, 2024

Kalamu Ya Urithi

Kwakheri mama

Ulipambana

hukupenda kuniona

Eti raha sina au nimenuna

Dear mama…

Leo Haupo nami tena

Kweli Siwezi kukuona

Eeee maulana

Ni wewe mama uliyeshinda njaa

Ili mwanao nipate kula

Ni wewe mama uliyejinyima kuvaa

Ili mwanao nipate pakulala

mama wewe ni shujaa

uliyekubali hasara

uliyekaa jela

mateso ya mitaala

lakini hukuchoka na wala

hukuwahi kuwa na hasira.

leo ardhi imekuita umeitika

leo mwanao machoni umenitoka

hivi ni nani tena shavuni atanishika

nani huyo atakayekubali kuteseka

asije sema amenichoka

mama…

hivi kweli ndo umeondoka.

ulikunja hata ngumi

Eti kisa mimi…

Mama ujue siamini

Nilikupenda sana lakini

kumbe yupo alokupenda zaidi yangu mimi.

Ungekuwepo mama ungenipenda zaidi yao

Ungekuwepo mama ungejitoa kuliko wao

Ungekuwepo mama usingekubali nichekwe nao.

Nakumbuka mama

Hata nilipo umwa

Ulilia sana

Kifua kilikujaa

Kando yangu ulikaa

Hata ukashinda njaa

Masaa hadi masaa

Dear mama

Hivi kweli tutakutana

Au ndo tutapishana

Hatutaonana

ilikuwa jana

mbona ghafla sana

mara ya mwisho kuwa_siliana

yaani kama nakuona…

nilipokosea ulinikemea

nilipoonewa ulinitetea

niliporejea ulinipokea

mama leo upweke umeniachia….

vipi moyo utatulia

Mwili nguvu imeniishia

Ooo huzuni imeniingia

Ujuwe mama….

Sikuwahi fikiria

Kuwa siku itafikia

Safari njiani utaishia

leo mpweke nimebakia

Dear mama

Nitawezaje kuzoea

ili hali uko mbali

nashindwa kuelezea

ulivyo mwema na mkweli

hukuwahi kuniongopea

ulonitendea ni mazuri

mahala pema nakuombea

malaika wa pepo akukubali

aweze kukupokea

pasina dosari.

Maoni

Zungumza na Afrika

Zungumza vunja ukimya Maumivu mengine katika mahusiano tuliyonayo huwa ni matokeo ya dhambi tulizowafanyia watu wengine katika mahusiano yaliyopita..... Tunajisahaulisha uovu tulioufanya kabla kwa wengine..... Tunakuwa mafundi wa kulalamika hovyo pindi tukiachwa..... Tumesahau kuwa malipo ni hapa hapa Duniani. Naomba kusema nanyi hii leo.....! Ukimuona mwenza wako haguswi tena na matatizo yako kama ilivyokuwa awali , basi ujuwe amechoshwa na baadhi ya tabia zako. kila kitu kwake ni kibaya hata umfanyie nini bado atakuwa ni mtu wa kununa tu. Na mara nyingi watu kama hawa huwa hawaishiwi visa na sababu za hapa na pale. Ni watu wanaopenda kulalamika na kukumbatia mambo ya hovyo, hasa makosa madogo madogo ufanyayo ambayo huwenda ni mambo ya kawaida kutokea kwenye mahusiano yoyote yale. Watu hawa hupenda kuyaishi madhaifu wa wenza wao..... Hakuna njia ya kuwabadilisha hawa watu zaidi ya kufanya kile wanachokitaka. Njia rafiki ni kuafiki maamuzi yake. Kama atataka muachane basi wewe mkubalie tu. Muache aende zake zaidi wewe piga moyo konde fikiria yajayo. Watu kama hawa hawang'ang'aniwi kamwe kwani ni watu hatari sana. Watu hawa wanaweza kukufanyia jambo baya la makusudi ili tu kukuumiza ili tu kukukomoa. Watu hawa hawana aibu. Siku zote huwa tunaomba msamaha ili tusamehewe juu ya makosa tufanyayo... Tunaishi katika ulimwengu wa watu wanaopenda kusifiwa na kupendwa kuliko kusifia wala kupenda.. Tunaishi ulimwengu wa watu wanaopenda watendewe wema kuliko wao kutendea wema wengine. Tunaishi na watu wasiri wa mambo yao ila ya wengine wanalazimisha wayafahamu. Tunaishi ulimwengu wa watu wanaokesha wakiomba uachwe , uharibikiwe, ufukuzwe kazi ili wao wanufaike na kufurahia kuharibikiwa au kuanguka kwako. Dunia ya leo hii si ile ya mababu . Duniani ya leo ni dunia ya kuchunguzana na kuchunguliana kwanza kabla ya kuingia kwenye ndoa. Dunia ya leo kila mtu ni mjuaji.. Hakuna mjinga tena .. Degree na mapenzi wapi na wapi . Leo hatua Elimu ya Jando wala Unyago, zaidi tumeipa jukumu mitandao ya kijamii itufunde na kutuandaa kuwa wame na wake za watu. Eti tunaita Utandawazi. Wengi wetu tunajikuta ni wakishuwa kumbe walala hoi.... Tunatamba na filters za mitandaoni. Tunatamba na Picha za Studio tukitafuta mionekano fake harafu tukitapeliwa penzi tunaanza kulia hovyo... Tumesahau kuwa uongo wetu ndiyo umetufanya tupendwe na kuachwa, tunasahau kuwa uzuri au ubaya wa mtu kamwe haufichiki... Tumesahau kuwa Kuumbwa na sura mbaya au muonekano mbaya huo sio ulemavu bali ni ukamilifu wa Asili huru. Mwingine akinyimwa makalio basi wewe utapewa, Mwingine akinyimwa urefu juwa wewe ukapewa ufupi. Mwingine akipewa unene basi tambua wewe umepewa wembamba. Mwingine akinyimwa hekima basi wewe ujinga utakuhusu. Na kuna wengine wamepewa karibu vyote. Na kuna wengine pia wamenyimwa karibu vyote. Kuwa nacho au kutokuwa nacho ni matokeo ya kimazingira yaani ni matokeo ya asili huru. Kwa mantiki hii tuna kila sababu ya kukubaliana na mionekano yetu kwani tukilazimisha kuwa na mionekano tofauti basi tukubali kuumbuliwa, tukubali kuchezewa…. kutumiwa hovyo …mwisho wa siku tuishie kuachwa kwani hakuna anayependa kudanganywa... Ndoa haitafutwi kwa kujipodoa au kujitongozesha hovyo.... Ndoa ni wito ... Ndoa sio Happybirthday eti kila aitakaye asherekee. Hapana ....kwa mtindo huu wajinga na wapenda miteremko mtasubiri sana. Utajisikiaje pale ambapo umempenda mtu kwa sababu ya weupe wake afu baadae unakuja kugundua mtu huyo anajichubua ili tu awe mweupe akuvutie....? Au pale unampenda mtu kwa muonekano wake kumbe mwonekano wenyewe ni muonekano fake.... Si muonekano halisi , unadhani utachukuwa maamuzi gani zaidi ya kumbwaga chini. Tunaishi katika Ulimwengu ambao watu wanaishi na Wenza wao kutokana na misukumo ya kimaisha hasa shida na kupenda miteremko lakini si utayari wa wao kuwa katika mahusiano hayo. Wengi wetu tunaoa au kuolewa na watu ambao hatukuwahi kuwapenda kabla . Wengi wao ni matoleo mapya. Wengi wao ni wale ambao huja baada ya kuwa wamekwisha umizwa , kuachwa, kuacha, au kuachana. Mahusiano ya walio wengi yanashindwa kuwa imara kutokana kwamba tunaishi na watu wenye majeraha makubwa katika mioyo yao kiasi ambacho hujikuta wakijenga na kuishi na visasi katika nyoyo zao na hasa kupoteza imani na wenza wao wapya zaidi hofu na mashaka hutawala nyoyo zao. Ahsante.