Shairi : Mzalendo wa kweli

By Kilimboka R. Presenter -
Kalamu Ya Urithi




Mzalendo

Naomba kuuliza swali

Hivi ni yupi mzalendo wa kweli

Kati ya raia mpigwa na askari kwa kudai maisha mazuri

Au polisi  hodari mwenye kuitii serikali.

 

Hivi nani mzalendo wa kweli

Kati ya raia alojiajili

Au mgombea msema kweli

Au masikini alotumia nauli kujengea kabuli  la tajiri

kisha akaikosa safari ya kwenda kuichukua miili ya marehemu wake muimbili.

 

hivi kweli taifa haliwezi kuwa na mashujaa wawili

kama ilivyo kwa kitendawili na methali kuwa kipimo cha wenye akili.

 

Eti

shujaa gani mponda mali

mzalendo gani baili

unajihitaje mtu wa watu wakati huna maadili

huna hekima wala ujasiri

huna shuhuda uliyemtoa mbali

akunadi mbele ya umma ili wakukubali.

 

Mnaoomba kula

mnauhakika gani kama tumekula

au ndo mnatuona mafala

tusiopenda hela au siasa biashara.

 

 aisee mnakosea sana

mnapoenda msirudi

na mnapokuja tena

eti mnafungasha vizawadi.

 

mnajisahaulisha mlichoahidi jana

kipindi hatuna maisha  hakuna anaye onekana

tukiwakumbusha  tunaanza kudanganyana

mnachosha afadhari yule wajana.

 

hivi kumbe ndivyo mnavyo fanya

baada ya kupata mlichotaka

haki zetu mnatuminya

mnasahau mliko toka.

 

mnafurahi mmezikusanya

kodi za raia walochoka

sasa hovyo mwazitawanya

jasho la mnyonge linatumika.

 

eti mnajiita mzalendo

wakati hamjui hata maana ya upendo

kutwa biashara za magendo

mnatabasamu sura kuficha matendo.

 

Haya sasa viti ni vyenu

Mnaojiita wazalendo wa jina

Haya sasa wakati ni wenu

Kula starehe za ujana

Mlizozikosa kile kipindi chenu.

Kipindi wazee wenu wakijichana

Wakati walipoifanya taifa lenu

Kuwa shamba la watwana.

 

Lini mtarudi nyumbani

Lini mtawakumbuka walio mashambani

Lini mtashika mpini kupima ugumu wa ardhini

Lini mtakaa barabarani  kuuonja utamu wa juani

Lini mtapita mashuleni au vyuoni Kuona wimbi la wakosa ajira mitaani.


Nauliza

lini mtaivaa miwani ili mpate kujiona mlivyo mashetani.

 

Unajiitaje mzalendo

 wakati ni mwoga wa kupambana

unajiitaje komando

wakati uoga wako tunauona

utashindaje kwa kishindo

wakati taifa lako halina vijana wenye elimu za maana.

 

eti yupi mwenye hasira

Yule anayechoshwa na ufukara

au Yule alochoka na kukaa jela.

 usinijibu…

ila naomba waambie wavutaji wa sigara

‘’acheni ufara…..’’

kuvutia kwenye mihadhara

kwenye mikusanyiko au daladala

waambie…

ila so kosa lenu

bali ni wale walio mbele yenu

maana hao ndiyo wanaokuza vichwa vyenu

kujiona wakishua kumbe waangukia pua

kujifanya mnajuwa

kumbe taratibu mnauliwa

 

mzalendo gani wewe

unayejipenda kuliko jilani yako

ufanye nini tuelewe,

wakati tunazijuwa tabia zako

kutwa kwenye vijiwe,

ukisengenya wenzako

msemaji mwenyewe,

usiye na hoja za mashiko.


na Kilimboka

 

 

Be as you wish to seem

Maoni

Chapisha Maoni

Mashairi Pendwa Zaidi

Ushairi : Maumivu

By Kilimboka R. Presenter -
Kalamu Ya Urithi Maumivu Chriss..! ''Yes kili…! Mambo vp brother… ''Fresh tu Mbona kinyonge sana ''Maisha tu kaka…'' Yeah ni kweli   but haupaswi kuwa katika hii hali. Brooo kuna vitu vinanichanganya ujue'' Vitu gani hivyo ''Broo ni kuhusu haya maisha.'' Chriss unajuwa sikuelewi…… nambie tatizo nini? ''Broo hivi   unaweza kuyavulia nguo maji na usiyaoge'' Hapana so rahisi kiivyo. ( Kimya kidogo )   Chriss   najuwa unachokifikiria But ni muhimu tukavumilia Naelewa magumu unayopitia Naelewa ndio….   ''Binafsi nahisi nimekuwa jaribio la kila tatizo Na kama ni kapu basi ni lile kapu la taka za uozo Sijakuelewa nini unachomaanisha? Broo sina furaha…. Sina raha… Na sijui ni lini nitaondokana na huu ufukara….''   Chrisss…. Natambua……. Natambua ni kwa vipi ufukara unakera… Ila fahamu huwezi kuwa na furaha kama huna hela Na hauwezi kuwa na hela ka...
Read more »

Shairi: Kipenzi changu

By Kilimboka R. Presenter -
  Kipenzi changu Halooo… Halooo… Chozi hili lanibugujika, Ni kwasababu nimekukumbuka, Sakura aaaa….. mamaa  afriaka, Si kwa ukimya  huo, unanifanya niumie mwenzio, Sakuraa wewe ndo langu kimbilio, Kwa mwingine sioni singizio.   Nimeyafunga yangu macho, Ili tu nisitamani vipitacho, Hakuna kinitesacho,  zaidi ya penzi lako, Hakika ndani ya huu moyo, uko peke yako.   Sakura kipenzi… Naomba nivumilie kwa kipindi hiki, Nyakati iliyojaa shida na dhiki, ukidhani siwakumbuki, Au pengine nadhihaki Mama afriki.   Kila siku napiga goti chini, nikinyoosha mikono yangu juu, nikikuombea furaha na amani, nikiomba mungu aulinde upendo huu.   Najuwa pesa ndo kimbilio la kila mtu, Ila tafadhari usije niacha peke yangu, Ukawafuata wenye vitu, Ukaniacha mimi kapuku nikilia kwa machungu.   Najuwa mbali nipo, Hasa na upeo wa mboni za yako macho, Ila tambua, Popote ulipo nami nipo, Mfano wa giza na popo.   Kuna wakati namiss uwepo wako, Kuna wakati namiss penz...
Read more »

Shairi: Moyo Wa Subira

By Kilimboka R. Presenter -
Kalamu Ya Urithi Moyo wa subira   Subira hurejesha furaha iliyopotea Moyo wenye subira daima hauwezi teketea. Daima ni wenye kukuwa na kuendelea  Moyo dhaifu hauachi kupendelea   Moyo ulopenda ni kawaida kuumia Ndiyo maana hauchoki kuvumilia   Upendo haujaribiwi kamwe Wala Penzi so shamba eti mwaka huu lisilimwe Mapenzi ni bustani  ili itembelewe ipendwe Ni lazima isafishwe na itunzwe   Halafu .. Kwenye haya maisha wewe ni nani hadi usisemwe Kwenye mapenzi haya wewe ni nani hadi usiumizwe Wewe ni nani eti muda wote upendwe… Usinyimwe…. Usiachwe…. usifiwe… Kumbuka So kila kitu kipo kwa ajili yako wewe. Vingine vina wenyewe   Wapo lakini so kila mtu ataguswa nawe Bali upendo wa kweli huanza ndano yako mwenyewe   Na Kwenye maisha yako usitegemee kupendwa na asokujuwa Hivyo wape nafasi wengine kukuelewa Kwa maana upendo wa kweli hutoka kwa wanaokutambuwa wakakuelewa.   Uaminifu ni akiba ...
Read more »