Shairi: Nakupenda

Shairi: Nakupenda

By Kilimboka R. Presenter Kalamu Ya Urithi - Desemba 21, 2023

Kwa urembo ulionao sijawahi kukutana nao

Maana kila napopita nakutana na story zako

Wewe ni mrembo…….

Kama kupenda ni kosa basi wewe ndiye unayestahili hukumu hii….

Maana Si mimi chanzo bali ni huo uzuri wako…

Jiulize…

…. Ni marangapi nimekuwa nikiteseka ili kukupata wewe.

Na leo hii umekuwa wangu.

Do You know why wakati flani nakuwa mkali

Coz..

Naogopa kuchanganywa..

Naogopa sana kuibiwa….

Mwenzio naoogopa kuumizwa

Mpenzi wangu nakupenda sana.

Naaaa …. kila siku kwangu ni maalumu na muhimu Hasa napokuwa na wewe…

Wewe ni zaidi ya mwangaza wa jua…

Nuru iliyo na thamani kwa maisha ya viumbe

Nadhani hili unalitambua.

Hivyo pasina wewe mimi si kitu hapa duniani

laazizi…

Kuna wakati huwa najiuliza kwanini unafeet kwenye vazi la kila rangi

Basi nimekuja kugundua kuwa ni kwa sababu nakupenda sana.

Ni upofu wa aina gani huu nisiweze hata kukutoa kasoro juu ya huo uzuri wako.

Kiumbe uliyehumbika kwa rangi na sura

hakika wewe ndiye yangu furaha.

Tazama huo muondoko

Tazama hiyo mideko..

Pua na hiyo midomo..

Nani kama wewe au hata wa kukuzidi

Naimani hakuna….

Si kwa Ucheshi wako….

Ukalimu kwa ndugu zangu….

Na hata watu wanaotuzunguka

Mwandani wangu…

Uhai wangu ni wewe….

Furaha yangu ni wewe…

Wewe ndo kila kitu kwangu

Nakili kwa kinywa kuwa nimeumbwa kukutumikia wewe…

Wewe ndo hatima yangu…

Kamwe sitokubali nikuache nyuma.

Kwa chozi lako nitalia

Kwa huzuni yako nitaumia pia

Kwenye hatali nitakukimbilia

kwa yeyote nitamshambulia

Na si furaha yako kukuharibia.

Hata hivyo..

Siwezi kuianza siku yangu mpya bila wewe

Bila kukuona

Bila kuisikia walau sauti yako.

Mahabuba….

Fundi wa haya mahaba

Kiumbe pekee mwenye kunilisha nikashiba

Usiye juwa roho wala iba

Ama kwa hakika moyo wangu umeubeba…….

Takuwa mnafiki nisipo kushukuru

Ahante kwa kunifanya kuwa huru

Asante kwa penzi hili lenye nuru

Asante kwa kunihepushia misururu

maisha ya kuishi kama kunguru

Na leo mimi si waluwalu.

na Kilimboka

Maoni

Zungumza na Afrika

Zungumza vunja ukimya Maumivu mengine katika mahusiano tuliyonayo huwa ni matokeo ya dhambi tulizowafanyia watu wengine katika mahusiano yaliyopita..... Tunajisahaulisha uovu tulioufanya kabla kwa wengine..... Tunakuwa mafundi wa kulalamika hovyo pindi tukiachwa..... Tumesahau kuwa malipo ni hapa hapa Duniani. Naomba kusema nanyi hii leo.....! Ukimuona mwenza wako haguswi tena na matatizo yako kama ilivyokuwa awali , basi ujuwe amechoshwa na baadhi ya tabia zako. kila kitu kwake ni kibaya hata umfanyie nini bado atakuwa ni mtu wa kununa tu. Na mara nyingi watu kama hawa huwa hawaishiwi visa na sababu za hapa na pale. Ni watu wanaopenda kulalamika na kukumbatia mambo ya hovyo, hasa makosa madogo madogo ufanyayo ambayo huwenda ni mambo ya kawaida kutokea kwenye mahusiano yoyote yale. Watu hawa hupenda kuyaishi madhaifu wa wenza wao..... Hakuna njia ya kuwabadilisha hawa watu zaidi ya kufanya kile wanachokitaka. Njia rafiki ni kuafiki maamuzi yake. Kama atataka muachane basi wewe mkubalie tu. Muache aende zake zaidi wewe piga moyo konde fikiria yajayo. Watu kama hawa hawang'ang'aniwi kamwe kwani ni watu hatari sana. Watu hawa wanaweza kukufanyia jambo baya la makusudi ili tu kukuumiza ili tu kukukomoa. Watu hawa hawana aibu. Siku zote huwa tunaomba msamaha ili tusamehewe juu ya makosa tufanyayo... Tunaishi katika ulimwengu wa watu wanaopenda kusifiwa na kupendwa kuliko kusifia wala kupenda.. Tunaishi ulimwengu wa watu wanaopenda watendewe wema kuliko wao kutendea wema wengine. Tunaishi na watu wasiri wa mambo yao ila ya wengine wanalazimisha wayafahamu. Tunaishi ulimwengu wa watu wanaokesha wakiomba uachwe , uharibikiwe, ufukuzwe kazi ili wao wanufaike na kufurahia kuharibikiwa au kuanguka kwako. Dunia ya leo hii si ile ya mababu . Duniani ya leo ni dunia ya kuchunguzana na kuchunguliana kwanza kabla ya kuingia kwenye ndoa. Dunia ya leo kila mtu ni mjuaji.. Hakuna mjinga tena .. Degree na mapenzi wapi na wapi . Leo hatua Elimu ya Jando wala Unyago, zaidi tumeipa jukumu mitandao ya kijamii itufunde na kutuandaa kuwa wame na wake za watu. Eti tunaita Utandawazi. Wengi wetu tunajikuta ni wakishuwa kumbe walala hoi.... Tunatamba na filters za mitandaoni. Tunatamba na Picha za Studio tukitafuta mionekano fake harafu tukitapeliwa penzi tunaanza kulia hovyo... Tumesahau kuwa uongo wetu ndiyo umetufanya tupendwe na kuachwa, tunasahau kuwa uzuri au ubaya wa mtu kamwe haufichiki... Tumesahau kuwa Kuumbwa na sura mbaya au muonekano mbaya huo sio ulemavu bali ni ukamilifu wa Asili huru. Mwingine akinyimwa makalio basi wewe utapewa, Mwingine akinyimwa urefu juwa wewe ukapewa ufupi. Mwingine akipewa unene basi tambua wewe umepewa wembamba. Mwingine akinyimwa hekima basi wewe ujinga utakuhusu. Na kuna wengine wamepewa karibu vyote. Na kuna wengine pia wamenyimwa karibu vyote. Kuwa nacho au kutokuwa nacho ni matokeo ya kimazingira yaani ni matokeo ya asili huru. Kwa mantiki hii tuna kila sababu ya kukubaliana na mionekano yetu kwani tukilazimisha kuwa na mionekano tofauti basi tukubali kuumbuliwa, tukubali kuchezewa…. kutumiwa hovyo …mwisho wa siku tuishie kuachwa kwani hakuna anayependa kudanganywa... Ndoa haitafutwi kwa kujipodoa au kujitongozesha hovyo.... Ndoa ni wito ... Ndoa sio Happybirthday eti kila aitakaye asherekee. Hapana ....kwa mtindo huu wajinga na wapenda miteremko mtasubiri sana. Utajisikiaje pale ambapo umempenda mtu kwa sababu ya weupe wake afu baadae unakuja kugundua mtu huyo anajichubua ili tu awe mweupe akuvutie....? Au pale unampenda mtu kwa muonekano wake kumbe mwonekano wenyewe ni muonekano fake.... Si muonekano halisi , unadhani utachukuwa maamuzi gani zaidi ya kumbwaga chini. Tunaishi katika Ulimwengu ambao watu wanaishi na Wenza wao kutokana na misukumo ya kimaisha hasa shida na kupenda miteremko lakini si utayari wa wao kuwa katika mahusiano hayo. Wengi wetu tunaoa au kuolewa na watu ambao hatukuwahi kuwapenda kabla . Wengi wao ni matoleo mapya. Wengi wao ni wale ambao huja baada ya kuwa wamekwisha umizwa , kuachwa, kuacha, au kuachana. Mahusiano ya walio wengi yanashindwa kuwa imara kutokana kwamba tunaishi na watu wenye majeraha makubwa katika mioyo yao kiasi ambacho hujikuta wakijenga na kuishi na visasi katika nyoyo zao na hasa kupoteza imani na wenza wao wapya zaidi hofu na mashaka hutawala nyoyo zao. Ahsante.