Shairi: Uhuru gani huu

Shairi: Uhuru gani huu

By Kilimboka R. Presenter Kalamu Ya Urithi - Desemba 21, 2023

Uhuru gani huu?

kama maendeleo yatapimwa kwa mzani

unahisi afrika itakuwa na majibu gani

najiuliza

hivi ni nani alochimba shimo chini

kuzifukia hizi mila na tamaduni

eti akaziita ushetani.

Je ni sisi watu wa gizani au wale watu wa motoni

Lakini kwanini tuliwaamini

Tukawakaribisha kizimbani.

Kwanini hatukuwapeleka utumwani…

Kwanini hatukuwapeleka vitani.

Kwanini tuliwaita wageni na si mashetani

Hivi walijikuta akina nani.

Kwanini hatukuwachapa viboko

Kwanini hatukuwashika madako

Kwanini hatukuthamini matambiko

Je haya ndo yale mabadiliko

Na je ni bora kuliko tutokako.

Kwanini iwe ngumu kwa wenye ardhi

Kwanini iwe vigumu kupata kazi

Au tupo dunia ya maradhi

Dunia isiyozingatia utamaduni wa mavazi.

Dunia isiyotafuta radhi

Wala heshima za wazazi

Dunia ya mababu wasokuwa na hadhi

Eti miungu ni upuuzi.

Dunia isiyo jali usawa wala uwazi.

Mweupe mgeni ila mweusi mkimbizi

ardhi iliyolithi mila za kipuuzi

mila ya ushoga na usagaji.

Hivi ni nani huyo mlogaji

Alotuloga hadi akili

Leo tumewasahau wapolaji

Wezi na makatili

Leo tunaaita wawekezaji

Leo tunawaita watarii

Mbona mimi siwaelewi.

Hawa si ndo wale walobaka mabibi zetu

Kisha wakawabebesha vitu

Wakawatembeza kwenye misitu

Tena yenye miba bila viatu

Ni viumbe wenye roho za chatu

Ni binadamu wasio na utu.

Ewe mwana wa afrika

Kumekucha sasa amka

Ewe mwana wa nyika

Acheni sasa kutawanyika

Maana wakati umefika

Wa sisi sote kubadilika.

Enyi kizazi cha nyoka

Mlodanganywa mmelaanika

Huu ndo wakati wa sisi kuamka.

Hivi kwanini tusingewafanya misukule

Kisha tukawanyima shule

Badala ya tatuu tukawachanja chale

Watakaoleta ubishi tungewapiga mishale

au magobole ili wakafie mbele.

hivi ni kweli waafrika tumesahau

au ndo kujisahaulisha

hivi ni mkweli walio tudharau

leo tunawaheshimisha

leo hii tunawaita wadau

wakati wao ndo walotufukaraisha.

mko wapi mashujaa wa aunika na unika

wazalendo wa kiafrika

mashujaa mlopewa madaraka

sasa mnakosaje mamlaka

wakati mnajuwa fika

ni wapi mlipotoka

maisha ya utumwa na patashika.

Enyi wasaliti wapenda noti

Mnakubalije kutumika

Enyi walamba nyayo washika goti

Ni lini mtaja badilika

Mkaachana na kuwa vizingiti

Mrudi nyumbani mnahitajika

Kwa pamoja tujidhatiti

Ili afrika iweze kubadilika.

Maana kutumika unika tumechoka.

Tafadhari rudini mlikotoka

Sasa kizimbani mnahitajika.

Wanauwa vipaji, kwa kutunyima kazi

Wameruhusu ulaji, kuua vizazi

Wamekuwa wanyonyaji , wamepandikiza mizizi

Hatuna msemaji, afrika haina mkombozi.

Nauliza mko wapi wazalendo wa kweli

mko wapi mfano wa magufuli

Mko wapi enyi majasiri

Mashujaa msioogopa kabuli.

Hivi hadi lini tutakubali

Kuwa vibaraka wa nchi zao

Mbona imekithili hii hali

Kupangiwa bei za mazao

Tunaibiwa rasilimali

Zinaenda kwenye mataifa yao

Kwanini serikali

Hamfanyi kama wao.

Rushwa na ufisadi

Sasa mmegeuza ndo miradi

Pesa na majumba ya ablodi

Afrika kuipigisha hodi.

Na kilimboka

Maoni

Zungumza na Afrika

Zungumza vunja ukimya Maumivu mengine katika mahusiano tuliyonayo huwa ni matokeo ya dhambi tulizowafanyia watu wengine katika mahusiano yaliyopita..... Tunajisahaulisha uovu tulioufanya kabla kwa wengine..... Tunakuwa mafundi wa kulalamika hovyo pindi tukiachwa..... Tumesahau kuwa malipo ni hapa hapa Duniani. Naomba kusema nanyi hii leo.....! Ukimuona mwenza wako haguswi tena na matatizo yako kama ilivyokuwa awali , basi ujuwe amechoshwa na baadhi ya tabia zako. kila kitu kwake ni kibaya hata umfanyie nini bado atakuwa ni mtu wa kununa tu. Na mara nyingi watu kama hawa huwa hawaishiwi visa na sababu za hapa na pale. Ni watu wanaopenda kulalamika na kukumbatia mambo ya hovyo, hasa makosa madogo madogo ufanyayo ambayo huwenda ni mambo ya kawaida kutokea kwenye mahusiano yoyote yale. Watu hawa hupenda kuyaishi madhaifu wa wenza wao..... Hakuna njia ya kuwabadilisha hawa watu zaidi ya kufanya kile wanachokitaka. Njia rafiki ni kuafiki maamuzi yake. Kama atataka muachane basi wewe mkubalie tu. Muache aende zake zaidi wewe piga moyo konde fikiria yajayo. Watu kama hawa hawang'ang'aniwi kamwe kwani ni watu hatari sana. Watu hawa wanaweza kukufanyia jambo baya la makusudi ili tu kukuumiza ili tu kukukomoa. Watu hawa hawana aibu. Siku zote huwa tunaomba msamaha ili tusamehewe juu ya makosa tufanyayo... Tunaishi katika ulimwengu wa watu wanaopenda kusifiwa na kupendwa kuliko kusifia wala kupenda.. Tunaishi ulimwengu wa watu wanaopenda watendewe wema kuliko wao kutendea wema wengine. Tunaishi na watu wasiri wa mambo yao ila ya wengine wanalazimisha wayafahamu. Tunaishi ulimwengu wa watu wanaokesha wakiomba uachwe , uharibikiwe, ufukuzwe kazi ili wao wanufaike na kufurahia kuharibikiwa au kuanguka kwako. Dunia ya leo hii si ile ya mababu . Duniani ya leo ni dunia ya kuchunguzana na kuchunguliana kwanza kabla ya kuingia kwenye ndoa. Dunia ya leo kila mtu ni mjuaji.. Hakuna mjinga tena .. Degree na mapenzi wapi na wapi . Leo hatua Elimu ya Jando wala Unyago, zaidi tumeipa jukumu mitandao ya kijamii itufunde na kutuandaa kuwa wame na wake za watu. Eti tunaita Utandawazi. Wengi wetu tunajikuta ni wakishuwa kumbe walala hoi.... Tunatamba na filters za mitandaoni. Tunatamba na Picha za Studio tukitafuta mionekano fake harafu tukitapeliwa penzi tunaanza kulia hovyo... Tumesahau kuwa uongo wetu ndiyo umetufanya tupendwe na kuachwa, tunasahau kuwa uzuri au ubaya wa mtu kamwe haufichiki... Tumesahau kuwa Kuumbwa na sura mbaya au muonekano mbaya huo sio ulemavu bali ni ukamilifu wa Asili huru. Mwingine akinyimwa makalio basi wewe utapewa, Mwingine akinyimwa urefu juwa wewe ukapewa ufupi. Mwingine akipewa unene basi tambua wewe umepewa wembamba. Mwingine akinyimwa hekima basi wewe ujinga utakuhusu. Na kuna wengine wamepewa karibu vyote. Na kuna wengine pia wamenyimwa karibu vyote. Kuwa nacho au kutokuwa nacho ni matokeo ya kimazingira yaani ni matokeo ya asili huru. Kwa mantiki hii tuna kila sababu ya kukubaliana na mionekano yetu kwani tukilazimisha kuwa na mionekano tofauti basi tukubali kuumbuliwa, tukubali kuchezewa…. kutumiwa hovyo …mwisho wa siku tuishie kuachwa kwani hakuna anayependa kudanganywa... Ndoa haitafutwi kwa kujipodoa au kujitongozesha hovyo.... Ndoa ni wito ... Ndoa sio Happybirthday eti kila aitakaye asherekee. Hapana ....kwa mtindo huu wajinga na wapenda miteremko mtasubiri sana. Utajisikiaje pale ambapo umempenda mtu kwa sababu ya weupe wake afu baadae unakuja kugundua mtu huyo anajichubua ili tu awe mweupe akuvutie....? Au pale unampenda mtu kwa muonekano wake kumbe mwonekano wenyewe ni muonekano fake.... Si muonekano halisi , unadhani utachukuwa maamuzi gani zaidi ya kumbwaga chini. Tunaishi katika Ulimwengu ambao watu wanaishi na Wenza wao kutokana na misukumo ya kimaisha hasa shida na kupenda miteremko lakini si utayari wa wao kuwa katika mahusiano hayo. Wengi wetu tunaoa au kuolewa na watu ambao hatukuwahi kuwapenda kabla . Wengi wao ni matoleo mapya. Wengi wao ni wale ambao huja baada ya kuwa wamekwisha umizwa , kuachwa, kuacha, au kuachana. Mahusiano ya walio wengi yanashindwa kuwa imara kutokana kwamba tunaishi na watu wenye majeraha makubwa katika mioyo yao kiasi ambacho hujikuta wakijenga na kuishi na visasi katika nyoyo zao na hasa kupoteza imani na wenza wao wapya zaidi hofu na mashaka hutawala nyoyo zao. Ahsante.